~¤§¦الله لايعيدها من مكتبه (قصتي مع المغازلجي القعيطي)¦§¤~

[Яởở7 ღ]

بسم الله الرحمن الرحيم
السلام عليكم ورحمة الله وبركاته

<< يالبيه مؤدبه تسمي وتسلم :h(108):


صباح // مساء الخـــير والضباب الي جالسين نمر فيه الحين خط السير ماش لكم عليه خبركم الكابتن توه طالع من غرفه التبخير عنده موضوع يفكر فيه بعمق ولا يعرف يفكر الا وهو يناظر توم وجيري بغرفه التبخير :28aa20bdc7:
المهم ..//
يقول المثل البنقالي دع الطاره لكابتن الحاره << هو قصده الرحله لكن اختلفت الروايه وضاعت الطاسه

مره من المرارير ونوبتن من النوبات ويومن مشرق مثل كل يوم << عاد انتم تدرون السعوديه كل دايم عندهم الشمس مشررررررقه بقوه تكاد تتفلطحو في كبد السماء

السالفه هذي صارت العام بعد ان فتحت المدارس ابوابها باسبوع وبعد ان بدأ الطلاب يصحون من غفوه العطله وطبعا تعرفون طلابنا شاااااطرين بقوه الله لايضرهم يشترون اغراض المدرسه بعد اسبوع اسبوعين والشاطر الشاطر فيهم يشتريها يوم الاربعا


المهم رافقت حرمي قصدي اختي الموقره لمكتبه قريبه من بيتنا علشان تشتري اغراضها ومير نشوف واحد جالس يكاسر الهندي على وش ؟؟؟ على علبه اقلام رصاص الي مخططه اصفر واسود مثل خط البلده حق الواصل
ودار بيني انا واختي الحوار التالي

اختي : مسطووووله مسطووووله شووفي هذا بيرتكب جريمه بالهندي علشان كرتون اقلام رصااااص :eek:
انا : وشووو ارتفع سعر الرصاص :10e80f78bb: << احيانا ادق على اذاني تعطين مشغول يامال الحتسه
اختي : ووووووجع اقول شوفي ذالقعيييييييطي الي قدامتس شوي ويطب ببطن الهندي الضعيف يقول سعر الاقلام غالي

انا : اووووووووووووما مهب صاحي وش ذالقعاطه متربي مع قحطه ذا ولا وش سالفت امه

اختي : لا شكله كاميرا خفيه

انا :اقول انفهدزي وضفي فيستس قالت كاميرا خفيه قالت لايكون بمكتبه الملك فهد وانا مادري بس

وبعد هالحوار .. //

اختي المصونه ست الحسن والجمال والدلال ياحبني له لو انه ماتسولف وهي نايمه اخر اليل وتقلق راحتي :97b77f77fe: المهم خلصت من اغراضها ورحنا نحاسب وحنا عند الكاشير << الظاهر انتي الي تحسبين انتس بمكتبه الملك فهد :h(91): لقينا القعيطي الذي سبق التعريف به سابقا واقف عند الباب عند المكان الي فيه الشناط ويييييييييخز خزن مهب صاحي وانا مير طاااااح قلبي قلت بسسسس سمعنااااا اكيد وبيطب ببطوننا الحين :h(27):
قالت اختي وش بيسوي يعني :h(94): <<< قسم بالله ذالعربجيه مخررررررررربتها ماعندها قلب .. قلت ابد مابيسوي شي بس بيجلدك كم جلده ويطلق صراحك قالت لا خير وين حنا قلت بمكتبه خدمت الطالب قالت قولي قصم انزلعي بس مهب وقت تميصلك << انعن ابليس استغلت خوفي وفهاوتي وصارت تشخص علي
قلت وووووووش نسوي الحين يام كشه قالت اتصلي على ابوووي يجي ياخذنا قلت خبله انتي بيقول المكتبه قدام البيت ليش اجي قالت قولي له واحد واقف لنا مدري وش يبي قلت الخلاااا بس تبين امي تدري ولا عاد تخلينا نوطوط عتبه الباب قالت شو نسوي اجل قلت مالنا الا نصبر الى مايمل ويرووح

طبعا هالحوار كله كان وسط المكتبه وهو كان عند الباب يقلب بالشناط مسوي انه برررريء جالس يناظر الشناط والله من شاف خزززته ونظراته مارجا براءه من وراه ولا من شجره عائلتهم كلها

ومير يجي الفرج ويطلع برا وامسك اختي مع جديلتها من ورا العباه << تراه كل يوم تحط زيت دابر آملا هنديه بصمممم
ونروح للباب واشوفه يكلم واحد جالس بسيارته وواضح انه واحد من اخوياه قلت هذي فررررررصتنا شمينا نطلع ماراح يحس بنا قالت قدااااااااام << قايلت لكم عررربجيه ذالبنت
ونطلع ويعطينا نظره من نظراته الي تطيح الطير من السما بس مهب من حلاته الا من الرعب

ومير يصير وجهي مثل تسذااا :h(61): تقل لابسه الدولاب كله وارتعش مثل تسذااا :26317e70f0: وامسك قلبي وما اسمع الا الي يقول عطنا وجه ياحلووو:h(83): << يلعن ام الي اخترع ذالغزل من اي قرن انت ؟؟مغازلجي ومشيناها قعيطي وبلعناااااها بس تجيب لي غزل من عهد جدي يوم ان جدي يغازل جدتي وهو يشوفها بالمزرعه تحصد عاد هذي حدك لاكفخك << ايه هيييين تكفخينه
والله ويررررررررررررتاح قليبي يوم صارت السالفه سالفه مغازلجي :h(52): قلت بقلبي غااازل بايديك ورجليك بس لاتتعرض لنا :h(17):

طبعا كالعاده انا بسم الله علي ثقل ولا اعطي ذالاشكال فيييس :28aa20bdc7: ومير تبدا القوه تدب في قلبي وارد عليه قلت له انت رح شف وجهك بالمرايه قبل بعدين تعال غازل يالوسسسخ <<< حسيت اني حطمته بقوه ومير ضاق صدري قلت الضعيف حطمته وكسرت قليبه :h(52): بس جا الشيطان يقولي ابد ماعليتس << ياحليله شيطاني قصيمي :h(95): يقول اتركيه يتحطم علشان يعرف ان الله حق ولا يفكر يغازل مره ثانيه <<< افللللللللللللللقيني ياشيخه اذا هذا شيطان او انه توه صاحي من النوم مهب مركز بكلامه او انه توه طالع من غرفه التبخير :28aa20bdc7:
والله وامشي انا واختي ومير يدب الرعب باحشاء قلبي واختي دب رعبها بمعدتها لان مثل ماقلت لكم مالها قلب :h(70): وراه دب الرعب ؟؟ لانه ياكل كثير << بلا سماجه يررررحم والديك
يوم شافنا ماشين ويجي يترك خويه بسرررررعه ويركب سياااااارته قلت اببببد بيصدمنا والله يسووويها ذالحشره
واسحب اختي مع جديلتها للمره الثانيه على التوال واقولها تعالي نمشي على الرصيييييف << يالبيه يالذكاء :c4b5e0eca1:
ونمشي على الرصيف واخر الرصيف لفه واللفه فيها بيتنا << نزلي صوره لموقع بيتكم احسن لتس
وذالخبل يلحقنا بسيارته ويوم دخلنا البيت هو كمل طريقه << اثاريه كان يبي يتطمن علينا ياحنييينو :h(103):
الا والله بيشوف وين بيتنا مالت الله ياخذ ام البلاغه وعائلتها كلها << النحو والصرف والادب والعائله كلها
ودخلنا بيتنا وسكرنا بابنا وصارت سالفتنا حكايه تروى << اول قصه بقولها لاحفادي

اخر المطاف لايسعني الا انني اعرض لكم صور ابطال قصتي
يالا معاي ..

^

^

هذي صوره الهندي الضعيف التقطتها له بعد الحدث << شوفوا كيف مثقف وهاديء ويالبيه بس :h(95):

http://up.z7mh.com/upfiles/1XD63690.jpg (http://up.z7mh.com/)

وهذا قلم الرصاص سبب المشكله الله لايعيده :(

http://up.z7mh.com/upfiles/vEH63690.jpg (http://up.z7mh.com/)

وهذا القعييطي .. طبعا ما اخذت له صوره شخصيه لانه مايشرفني لكن حاولت ارسمه يوم بغيت انزل هالموضوع

http://up.z7mh.com/upfiles/XMf63690.jpg (http://up.z7mh.com/)

^
^
شفتوا الجمااااااال الله لايضره بس :h(6): << والله انه احلى منه
صورتي وصوره اختي حاولت ارفعها باكثر من موقع رفع مارفعن معي مدري وراه الظاهر اننا ماعجبنا الموقع :28aa20bdc7: << اقرررب مخرج

اشكر جميع طاقم الرحله على تحملهم لمصالتي وطول قرقي :97b77f77fe: واحب اقول ان السالفه حقيقيه وصارت لي لكن لاتخلوا من رشات الملح والبهارات علشان يحليها :97b77f77fe:

مراسلتكم من قلب الحدث ..//

مسطوله لحد الثماله :97b77f77fe:

تحياتي ..//

[ريناد]

ههههههههههههههه والله انك صدق مسطوله لحد الثماله
طول ماانا اقرى صايره كني مهبوله اطاله بالموضوع واضحك لحالي كل من يمر جنبي يقول الحمدلله والشكر

موضوع رائع واسلوب اروع

وعلى طاري تراه كل يوم تحط (زيت دابر آملا) هنديه بصمممم
ترىمن جد هالدعايه ما لأمها داعي

خخخخخخخخخخخ

يسلمو مسطوله سطلتينا معك

[Яởở7 ღ]

ههههههههههههههه والله انك صدق مسطوله لحد الثماله


طول ماانا اقرى صايره كني مهبوله اطاله بالموضوع واضحك لحالي كل من يمر جنبي يقول الحمدلله والشكر


دوووووووووم الضحكه ماتفارقك يارب
ماعليك من احد اضحكي وانبسطي وفلليها ^_*




موضوع رائع واسلوب اروع
وانتي اروووع


وعلى طاري تراه كل يوم تحط (زيت دابر آملا) هنديه بصمممم




ترىمن جد هالدعايه ما لأمها داعي


يؤيؤ كفشتيني ( فيس مستحي ) لايدري احد تكفين
انا قصدي انه مهب زين يطيح الشعر < صررفتها
هههههههههههههههههههههه




شاكره لك مرورك ياغلاي

[ريناد]

( وانتي اروووع )


:h(108):
يسلمووووووو

يؤيؤ كفشتيني ( فيس مستحي ) لايدري احد تكفين

انا قصدي انه مهب زين يطيح الشعر < صررفتها


افا عليك سرك في بير عنوني

[نور البدر]

اكتفي بتثبيت الموضوع

وبرجع امخمخ ع الرد بغرفه التبخير

يسلمو مسطوله

[Яởở7 ღ]

اكتفي بتثبيت الموضوع

وبرجع امخمخ ع الرد بغرفه التبخير

يسلمو مسطوله



لا مابي ردك من غرفه التبخير اخاف القى رد للموضوع الي تحت من قو الفهاوه هههههههههههههههههه

[كبتن محيميد]

اعترف

ان امي مسوية مراصيع وحاطة فيها لحم مفروم ولا فتها . وتقول سمبوسة القديمين ياعيالي .


ياعيني على العقل بسم الله عليك كلك ملح وقبلة . راعيت سلام ودي انس مسكتي حمامة بيضاء عشان ندري انك راعية سلام من يومس صغيرة .



صباح // مساء الخـــير والضباب الي جالسين نمر فيه الحين خط السير ماش لكم عليه خبركم الكابتن توه طالع من غرفه التبخير عنده موضوع يفكر فيه بعمق ولا يعرف يفكر الا وهو يناظر توم وجيري بغرفه التبخير


لاتفسخين النقاب لاني الضباب اللى جالسة تشوفينة مو ضباب طبيعي لان الربع اللى في غرفة التبخير مكثرين بيض والله يستر لايجينا انفجار وهمن نروح في خبر كان ونتظر ان نفتح الابواب الخلفية ونخلي احد المضيفات تصفر يعني العطة يابطة . بيض فراخ الوطنية عالي التركيز .
يقول المثل البنقالي دع الطاره لكابتن الحاره << هو قصده الرحله لكن اختلفت الروايه وضاعت الطاسه



مدام الطاره في يدي ماعليكم خوف واهم شي مابي ازعاج لاني راعي رابح صقر ولا احب الطقطقة بالعود الكهربائي .


مره من المرارير ونوبتن من النوبات ويومن مشرق مثل كل يوم


اية عاد انا من النوع اللى احب الشروق لاني متعقد من شي اسمة غروب . لان عندنا شروق يرفع الظغط من كثر مانشرب فية الماء تحس بالشرقة تجيك وشعارنا في السعودية اشرق ولاتكح ترا نهاية بتروح ملح .

السالفه هذي صارت العام بعد ان فتحت المدارس ابوابها باسبوع
افتح ياسمسم ابوابك نحن الاطفال لوس مشغلتها كان حسينا بطفولة المدراس المفرطة . لان للمدراس ذكريات اليمة لما تجيها بعد العطلة ودك تتعلق في احد مراوحها وتردد ياليل ماطولك والمنهج ماصعبك .

المهم رافقت حرمي قصدي اختي الموقره لمكتبه قريبه من بيتنا علشان تشتري اغراضها ومير نشوف واحد جالس يكاسر الهندي على وش ؟؟؟ على علبه اقلام رصاص الي مخططه اصفر واسود مثل خط البلده حق الواصل
ودار بيني انا واختي الحوار التالي

جالس اتخيل طلعتكم من البيت انتي وحرمك وكل واحدة ماسكة يد الثانية ومنطلقين للمكتبة على بالكم انة الطازج . انتي تدرين ليش هذا جالس يكاسر يسمع بشغلة والله محد يلعب على وهو في الاصل ماسك المرسم اللى اسود واصفر على بالة شال الاتحاد .ومايدري انة ياخذ من سروال الواصل الشي الكثير . بس مالومة لما يجلس يكاسر لانة بصراحة مانستهين بالمرسم لانة ممكن يكتب كلام يوديك في ستين دهاية وممكن يكتب كلام حلو وبكذا يكون المرسم رسم لنفسة استراتجية لاتبريني او لاترعص على واجد . لان منظمة البرايات مركزة على الاقلام الخشب وتحس انها مضطهدة على اقلام الحبر . اللى مسوين انفسهم عيال نعمة .


اختي : مسطووووله مسطووووله شووفي هذا بيرتكب جريمه بالهندي علشان كرتون اقلام رصااااص






هذي اختك فيها طيبة قلب وحاولي انها ماتشوف مثل ذا المناظر المرعبة لانة ممكن احد الاقلام يتكلم قدامها وهمن تموت من الفجعة . مسطووولة ياحديد





اختي : لا شكله كاميرا خفيه




انا معلمك انها طيبة ياعيني على البراءة الى فيها ودس تحلفينها في فراشها وتقولين لها لاتقومين الا اذا جاء يوم عرسك ياوخيتي .


اختي المصونه ست الحسن والجمال والدلال ياحبني له لو انه ماتسولف وهي نايمه اخر اليل وتقلق راحتي

افا اجل هي من النوع اللى يخربط وهي نايمة . عساها مهيب تجيب كلام كبير لاني اخاف تجيب سالفة يتكلمون عليها العربان . وبعدين يامسطولة اسمعي اختك وش تقول لاتهمشينها تراها صحيصحة وعلى الفطرة واتركي عنك المسجل والاغاني الرومنسية على بالك حبيبة .



لقينا القعيطي الذي سبق التعريف به سابقا واقف عند الباب عند المكان الي فيه الشناط ويييييييييخز خزن مهب صاحي وانا مير طاااااح قلبي قلت بسسسس سمعنااااا اكيد وبيطب ببطوننا الحين


محد بيلومة انا لوني محلة هجمت عليكم .( مطلع لسانة) اجل بنتين قدامي وعند شناط ولا اطالعهم . يعني يبوني اطالعهم عند دفاتر ابو سيم لا والله عند الشناط احلى على الاقل الواحد يجلس يفتح ويصك بذا الشناط لين الله يكتب النصيب اما شغلة الدفاتر بتصير مكشوفة لان الدفتر بليس بيوسوس ويقولك شق ورقة واكتب واكتب يامال العافية تراها الفرصة الاخيرة .



قالت اختي وش بيسوي يعني


وش بيسوي ياحليلك ان مسك يديك وهمن فرك الرقم فيها عرفتي ان الله حق .

بس تبين امي تدري ولا عاد تخلينا نوطوط عتبه الباب قالت شو نسوي اجل قلت مالنا الا نصبر الى مايمل ويرووح

انا اشوف حل الصبر كان في محلة وهذا شور سديد يدل على الحكمة المفرطة اللى تملكينها يامسطولة لانة لو استعجلتي راحت عليك الوطوطة الا مع زوجك الوطواط .


طبعا هالحوار كله كان وسط المكتبه




وانا على بالي على الرصيف وعيونكم طايرة في احد يفزع لكم من الشبيبة الشجعان .


تراه كل يوم تحط زيت دابر آملا هنديه


اجل شعرها قصير وتبية يطول ذا الهندية . عليها بزيت عافية تراة خفيف وخالي من الكرستول بيخلي شعرها بعد شهر عند رجولها ان مشت ماغير تضفة لاتطيح فية . ( ينتظر التجربة عشان يضحك )



ونروح للباب واشوفه يكلم واحد جالس بسيارته وواضح انه واحد من اخوياه قلت هذي


انحاشي لاني اشم ريحة خطف الله يستر بس .


وامسك قلبي وما اسمع الا الي يقول عطنا وجه ياحلووو


ايوة جينا في الكلام اللى علية الشغل اجل يقولك ياحلوة هو الحين يقولها لك بشعور الغزل العفيف والا بشعور الغزل ابو قرشين . لانة ممكن يلعب في عواطفك وياخذ الدفاتر اللى في يدك . وهمن ابلشي
وسؤالي ليش ماقال لاختك شي شكلها كربة ومافية فاتح العين بالمكتبة الا انتي . والا انة ماعندة نظر ( جلدها) بس احس انة متهور وماهو محترف كورة وغزل اجل ياحلوة عطينا وجهة نعبوة احد يقول ذا الكلام لبنات في سن المراهقة . الواحد يجي ويطق الكتف بالكتف ويمسى بالخير ويحط الرقم في الباغة ويحتري الكعب في ظهرة وبعدها يحس ان مغازلجي عربجي . اما شغل من بعيد ياحلوة هذا جبان وعلى قولتهم ان رقمنا والا ماظرها الجمل .



طبعا كالعاده انا بسم الله علي ثقل ولا اعطي ذالاشكال فيييس


يامغرورة ( مطير عيونة )

ومير تبدا القوه تدب في قلبي وارد عليه قلت له انت رح شف وجهك بالمرايه قبل بعدين تعال غازل يالوسسسخ

بدا شغل عربجت البنات تطلع ارحمية يامغرورة .


اشكر جميع طاقم الرحله على تحملهم لمصالتي وطول قرقي :97b77f77fe: واحب اقول ان السالفه حقيقيه وصارت لي لكن لاتخلوا من رشات الملح والبهارات علشان يحليها


مسطولة ابدعتي في الموضوع كابداعك في عمل شوربة كويكير لانك من الاقلام المميزة وليس المرسم اصفر واسود . لان المصالة حقتك وش ملحها واتوقع لوك راعيت تبخير بتصرين اكثر مصالة ( بيوهقها) راح اقول كلمة من قلبي ( تكفا) من زمان ماشفت موضوع اعجبني وخلاني ارد علية بشراهة كني جالس على كبسة رز والمرقة حولة ماغير ارش واكل . مسطولة ابدعتي وموضوعك هذا لازم ناخذ نسخة منة ونحطة في احد مناهج العيارة والزحف . لانة نبي الاجيال تفراءة لكي تعم الفايدة ويبقي الموضوع مستمر مع الاحيال يعني حليب وداي فاطمة اطلق من موضوعك هذا هو لة 30 سنة مستمر .

طبعا الموضوع راح توخذ نسخة منة للميزة عشان يبقي في الذاكرة . بعد اكتمال الردود والتعليق بس اهم شي اختك لاحفيها زين لاني خايف عليها تكبر وتشوف واحد منذا الردود وتقول يمة جاء يخزنا مرة ثانية .

[نور البدر]

السالفه هذي صارت العام بعد ان فتحت المدارس ابوابها باسبوع وبعد ان بدأ الطلاب يصحون من غفوه العطله وطبعا تعرفون طلابنا شاااااطرين بقوه الله لايضرهم يشترون اغراض المدرسه بعد اسبوع اسبوعين والشاطر الشاطر فيهم يشتريها يوم الاربعا



انتى متاكده انها غفوة العطله والا غفوة التبخير

المهم رافقت حرمي قصدي اختي الموقره لمكتبه قريبه من بيتنا علشان تشتري اغراضها ومير نشوف واحد جالس يكاسر الهندي على وش ؟؟؟ على علبه اقلام رصاص الي مخططه اصفر واسود مثل خط البلده حق الواصل


انتى متاكدة انك رايحه المكتبه والاحراج بن قاسم تخبرين ذا السروايل كثيرة بالحراج
والواصل دايم اشوفه نايم تحت الكوووووبرى

لقينا القعيطي الذي سبق التعريف به سابقا واقف عند الباب عند المكان الي فيه الشناط ويييييييييخز خزن مهب صاحي وانا مير طاااااح قلبي قلت بسسسس سمعنااااا اكيد وبيطب ببطوننا الحين


شاف ذا الزين وذا البراقع وصلب مكانه
تسنى بك طاقه البرقع والطرحه الى تلمع لاقابلتى الشمس وتدورين بالحراج بين ذا السيارات لا والعبايه عليها تطريز بالوسط
<<< قد وصلهم قبل لايجلدونه الباكستانية بالددسن

قالت اختي وش بيسوي يعني :h(94): <<< قسم بالله ذالعربجيه مخررررررررربتها ماعندها قلب .. قلت ابد مابيسوي شي بس بيجلدك كم جلده ويطلق صراحك قالت لا خير وين حنا قلت بمكتبه خدمت الطالب قالت قولي قصم انزلعي بس مهب وقت تميصلك << انعن ابليس استغلت خوفي وفهاوتي وصارت تشخص علي



عاد انا خابر ايد اخت تلمع من الفازلين ودرزن الغوايش مامريتو مباسط الحبشيات مسطوله عندهم اباريق قديمه تصلح لموضوعك بصاله القدوووم خخخ

برجع لك ثانى مره بركب لمبات للغرفة وارجع

[سارا]

ههههههههههههههههههههههههههههههههههههههههههههههههه


<<<<<<<<<<وربي يااااإني فااااااااااطسه ضحككككككككككك


مسطوه ياعلك داايم دووم مسطلللللللله عشان تتحفينا بموااازيعك المسطوله بسطااالتك مع مرتبة الترف

البذخ والإسرااف فــ الروعه والإتقااان


قلت الخلاااا بس تبين امي تدري ولا عاد تخلينا نوطوط عتبه الباب قالت شو نسوي اجل قلت مالنا الا نصبر الى مايمل ويرووح
والله انك حكيمة وانتي بأصعب المواقف ماغاب عنك هالشي بسم الله عليك


قبل بعدين تعال غازل يالوسسسخ <<< حسيت اني حطمته بقوه ومير ضاق صدري قلت الضعيف حطمته وكسرت قليبه :h(52):ياناااس وش هالقلب :97b77f77fe:الحنووون <<<كاملة الأوصاف تف تف عليك


<< اثاريه كان يبي يتطمن علينا ياحنييينو :h(103):ياااعيني ع البراااءهـ ياناس خخخخ:h(110):


اخر المطاف لايسعني الا انني اعرض لكم صور ابطال قصتي وانا لااايسعني ولايكفيني صفحات المنتدى بل النت بأكمله بأن أشكرك أيتها الكاتبة الختيــرهـ والمؤلفه الفلللله

<<<تتنبألك بمستقبل أدبي وقصصي زاااهر ومزدهر يالمزدهرهـ

أح أح أحلى بوووسه ع وجنتاك الحمررا<<اللي مثل الجحه:28aa20bdc7:

محدثتك:ساارا السعوديه أبن عن جد:h(41):

[Яởở7 ღ]

اعترف

ان امي مسوية مراصيع وحاطة فيها لحم مفروم ولا فتها . وتقول سمبوسة القديمين ياعيالي .
http://www.r-007.com/vb/images/misc/quotes/quot-bot-left.gifhttp://www.r-007.com/vb/images/misc/quotes/quot-bot-right.gif


محيميد يامال الحتسه داخل غرفه التبخير وجاي طوالي هنا ترد
ضربت فيوزات الولد جاب رده بموضوع اعترف هنا هههههههههههههههههههههههه
<<< قسم بالله فاقعه ضحك

ياعيني على العقل بسم الله عليك كلك ملح وقبلة . راعيت سلام ودي انس مسكتي حمامة بيضاء عشان ندري انك راعية سلام من يومس صغيرة .


وش عرفك انت اصلا انا لو احط حمامه السلام كان انحاشت لاني اصلا بغطي على سلامها ( فيس خدوده فوووشيه )



مدام الطاره في يدي ماعليكم خوف واهم شي مابي ازعاج لاني راعي رابح صقر ولا احب الطقطقة بالعود الكهربائي .

اجل انت من الي يمخمخون على رابح ابو مناقيش
ههههههههههههههههههههههههههه

افتح ياسمسم ابوابك نحن الاطفال لوس مشغلتها كان حسينا بطفولة المدراس المفرطة

ايه واحط جنبه عصير الربيع وساندوش بيض محطوطه بكيسه الساندوش نفسه ومربوطه << ايام ماكان فيه تغليفه مائيه يلفون الساندوش بالمنديل وانتسان الكيس خلص حطوها فيه
جالس اتخيل طلعتكم من البيت انتي وحرمك وكل واحدة ماسكة يد الثانية ومنطلقين للمكتبة على بالكم انة الطازج
لا ماعندنا الطازج عندنا هرفي بس :(


تتعلق في احد مراوحها وتردد ياليل ماطولك والمنهج ماصعبك .


على طاري المروحه كل ماجاب احد طاري المروحه اتذكر ذالموقف :(
< تمدد رجيلاته وتتنهد وتقول اييييييييييه الله يرحمك ياذاك العصيفير
اقولك مره من المرارير ودي ( day) من الدييات كنا كطلبه علم مجتهدين برشا برشا ومبققين اذاننا للسواليف قصدي للشرح ومير يدخل ذاك العصفور البريء الي ماله من الشر طاري والضعيف طوالي للمروحه وماتشوف الا جسم بمكان وراس بمكان ثاني :( والدم عبا الفصل << هو فصل ولا عش

يسمع بشغلة والله محد يلعب على وهو

والله انك جبتها محيميد الظاهر انه تسذااااا
اثاريه يالعضيف مضطهد ويبي يطلع الي جواه << تسمع بالاضطهاد

وحاولي انها ماتشوف مثل ذا المناظر المرعبة

اي مرعبه هالمنظر هذا عنده تراه مثل شوفه توم وجيري اقولك ماش ماهنا قلب عايشه على المعده
ههههههههههههههههههههه

ياعيني على البراءة الى فيها

الا قل ياعيني على الدلاخه الي معبيه راسها
افكر اجيبه هنا علشان تنشر دلاختها مير انه مسويه وفيه لمنتداها هي وشلتها وماتسجل بغيره

واتركي عنك المسجل والاغاني الرومنسية على بالك حبيبة .


لا ماهنا حب حبيت كومار وعقبها خلاص اعتزل قلبي الحب ( فيس يبتسي برشاااا برشااا )

لان الدفتر بليس بيوسوس ويقولك شق ورقة واكتب واكتب يامال العافية تراها الفرصة الاخيرة .


هههههههههههههههههههههههههههههههههههههههههه
حكيم حكيم يالكابتن يجي منك هههههههههههههههههههههههههه
ايه خلك تسذا بعدي والله الي مايخلي الشيطان يوسوس له
برايفت // ايقالي ماشفتك قبل امس وانت تتسوق ومير تحلت الرقم على بنت قدامك ومير تهفك على خشتك ( فيس يحرك حواجبه بلعااانه )

وهذا شور سديد يدل على الحكمة المفرطة اللى تملكينها يامسطولة

ايه تصدق اهلي بغوا يسمونن حكيمه يوم شافون وانا طالعه من بطن امي اطلع بشووويش علشان لايصير بي ملووع يكفي الملوع الي بتصيدن عقب( تخبر المستشفيات مايسلم احد منهم لازم كل بزر يصيده ملع من قو نعومه الممرضات :( )

من الشبيبة الشجعان .


ايه هين شبيبه شجعان هذاك على وقت جدي وجدك الحين ماهنا الا شبيبه مقزقزين

والا بشعور الغزل ابو قرشين

لا ذالاشكال ماعندهم الا حق ابو ريالين
الغزل العفيف متبري منهم ومطلقهم بالثلاث وعايفهم ومودرهم << قايلت لك لاتقرين روايات امراتيه كثير

يلعب في عواطفك

اوما هذا يلعب بعواطفي
اصلا هو ماعنده الا الدجه مايعرف للعاطفه طريق وشولن بيلعب بعواطفي حده يلعب غميما وضومنه واونو لان الورقه العاديه فوق مستوا عقليته
ههههههههههههههههههههههههههههه

ومافية فاتح العين بالمكتبة الا انتي

يابن الحلال خلها على ربك الشوف شجر وانا اخيتك وش اسوي مير كود اني اقص نظاره اسمك من خبز الحويلا < ترى ماتدق ابد

لبنات في سن المراهقة

مهب تسنك خربتها يابو الشباب
يامال الحتسه منهي المراهقه ( فيس يرفع اكماموووه )

الواحد يجي ويطق الكتف بالكتف ويمسى بالخير ويحط الرقم في الباغة ويحتري الكعب في ظهرة وبعدها يحس ان مغازلجي عربجي . اما شغل من بعيد ياحلوة هذا جبان وعلى قولتهم ان رقمنا والا ماظرها الجمل .


هههههههههههههههههههههههههههههههههههههههههههههههههه هههههههههههههههههههههههههه
محيميد شكل لك سبق بهالشي ( فيس يناظر بلعااانه )
اعترف قسم قسمات محد يدري اكتب بطامس وياويل من يظلله ويقراه << ياعيني على قوه الاقناع

يامغرورة ( مطير عيونة )


ارحمية يامغرورة .

<< ترمي عليه طرحتها
محيميد تكفى قل غيرها تراي متعقده من ذالكلمه
مير الناس كل من شافوه قالوا مغرور :( وقسم اني اكبر متواضعه بالعالم حتى اني صرت اكل كل يوم مع الشغاله علشان يصدقون الناس اني انقط تواضع ( فيس يشاهق ) << فاهمه التواضع بالمقلوب


مسطولة ابدعتي في الموضوع كابداعك في عمل شوربة كويكير

لا شوربتنا العلالي هي اختياري <ياحبه تسوي بروباقندات

راعيت تبخير بتصرين اكثر مصالة ( بيوهقها)

ايه كل يوم ابخر بيتنا حتى وشسمه من قو هذاك وشسمه صرت ابخر السطح < بريئه مع مرتبه الشرررف

طبعا الموضوع راح توخذ نسخة منة للميزة عشان يبقي في الذاكرة . بعد اكتمال الردود والتعليق

زين يابعدي فكيتن من نقلها لاحفادي المنتضرين
تخبر عاد ابصير جده دوت نت يعني مهب مثل جدات قبل يجتمعون عليهم الاحفاد وهي تبدا تسرد عليهم من قصصه يوم انه تحصد بالمزرعه ووشلون شافت رجله ووشلون خق معه وعشقه ومن هالسوالف الي لابد من ان تحفها الارانب
عاد انا بقولهم ادخلوا النت واعطيهم الرابط
اهم شي اختك لاحفيها زين لاني خايف عليها تكبر وتشوف واحد منذا الردود وتقول يمة جاء يخزنا مرة ثانية .

لا يالضعيفه ماعنده ماعند جدتي لو تبتل تخزه لبكرى ماجابت للمغازل طاري تبي تقول هذا مضيعن شي وقاعد يهوجس بوه

محيميد يامحيميد
الله مير يديم عليك طيارتك ويرزقك بهولكبتر وكلانشنكوف بلدي

شاكرتااا ومقدرتااا يور باسنق

[Яởở7 ღ]

انتى متاكده انها غفوة العطله والا غفوة التبخير


لا غفوه التبخير انت اخبرررررر بها ( فيس يحرك حواجبه بلعاانه )
انتى متاكدة انك رايحه المكتبه والاحراج بن قاسم تخبرين ذا السروايل كثيرة بالحراج
والواصل دايم اشوفه نايم تحت الكوووووبرى
مير الله يصلحك وش بلاك على متوكده ومتوكده شككتن بنفسي
الواصل الضعيف كل يوم يروح يدور مقاسه تخبر الوزن عشره طن الا كيلو بايت :( ومير الضعيف يتعب من كثر المشي بذالبسطات وينسدح تحت الكووووبري
قل الله ينحفوووه على اني ابصم بالعشرين ان بينه وبين النحف مثل مابين اسيا وامريكا الشرقيه < تراه ارد وانا ذابحن النوم لاتدقق :(

تسنى بك طاقه البرقع والطرحه الى تلمع لاقابلتى الشمس وتدورين بالحراج بين ذا السيارات لا والعبايه عليها تطريز بالوسط
<<< قد وصلهم قبل لايجلدونه الباكستانية بالددسن



اجل طايحن بي ابو الشباب ( فيس مطلع لسانووه )
وراه مايعقل ابو شهاب
تراه اهون ولا اخطب لك لطيفه المجرن عاد
الله يرجك تذكرتك اليوم يوم اشوفه بالقناه الاولى وهي تنقز على الكنب وتتصل على حرمه ولدها علشان تجي تقرا له الرساله < قلت الي ذالعجوز مخفه ونور 24 ساعه متسدح بغرفه التبخير وش بيصيرون عيالهم :(

عاد انا خابر ايد اخت تلمع من الفازلين

وراك مستهين بالفازلين انت
لا مالطست ايديك قبل تنام كل يوم بالفازلين والجليسوليد يالله الجنه ماتصير عندك الي يسمونه نعومه على مدار ال 24 ساعه مير لاتستهين به

مسطوله عندهم اباريق قديمه تصلح لموضوعك بصاله القدوووم خخخ


شف هذا شاريته منهم مير صدااااا :(
لاعمرك تشتري منهم شي
http://up.z7mh.com/upfiles/XNC28928.jpg (http://up.z7mh.com/)
برجع لك ثانى مره بركب لمبات للغرفة وارجع
يامال الحتسه وانت ردك مثل جوالات قبل جزء من النص مفقود
وبعدين مسوي فيها نور وبدر وحركات واتلاته حاطن لمبات بالغرفه ( فيس يصفر )
شكر مروري مؤقت نور لمين يكتمل الرد بس لاتقول برب ابروح ازين صحن الدش همن امصع اذانك

فتك بعافيه

[Яởở7 ღ]

<< تقول جا دور سارا يعني لازم اسكر القاموس القصمنجي وابدا اهرج اتيكيت علشان ماتقول ترجمي وعللي

ههههههههههههههههههههههههههههههههههههههههههههههههه


<<<<<<<<<<وربي يااااإني فااااااااااطسه ضحككككككككككك

دوووووووووووووووووووووووووووم الفطسااان بس لاتضحكين وانتي صايمه تراه يجيب قرحه بالاذن اليسرى
والله انك حكيمة وانتي بأصعب المواقف ماغاب عنك هالشي بسم الله عليك

ايه بسم الله علي ارقي وشوفي ردي على محيميد بسالفه الحكمه يوم ان اهلي كانوا يبي يسمونن حكيمه
ياناااس وش هالقلب :97b77f77fe:الحنووون <<<كاملة الأوصاف تف تف عليك

اييه بسم الله على قليبي
برايفت // ترى الثعلب مايقرب لي ولا اعرفه ولا مر من عندي طقيت اللطمه قصدي الطرحه علشان مايتعرف علي
وانا لااايسعني ولايكفيني صفحات المنتدى بل النت بأكمله بأن أشكرك أيتها الكاتبة الختيــرهـ والمؤلفه الفلللله

الله مير يحسن اليتس يالبيه بس انتي كل دايم تخلين خدودي تحمر وتصفر وتخضر وتزرق بالمختصر قوس قزح
<<<تتنبألك بمستقبل أدبي وقصصي زاااهر ومزدهر يالمزدهرهـ

يالله حسن الختام اي مستقبل يوم شاب وودوه الكتاب < وش عندها ماما انيسه
أح أح أحلى بوووسه ع وجنتاك الحمررا<<اللي مثل الجحه:28aa20bdc7:


كولولولولولولوولولوولولوولولولوش عرفتي الجحه زين يجي منك عقبال ماتصيرين قصمنجيه اصليه ولاتقولين لي ترجمي هههههههههههههههههههههه

محدثتك:ساارا السعوديه أبن عن جد:h(41):

ياشينه بعد صارت تدق هههههههههههههههههههههههههههههههههههههههههه

ماودك تروحين تلفين السمبوسه وتجين تكملين < تناظر نوور

شاكره لك مروورك ياغلاي

[العنفوان]

من زينك انت واختك يالمصطوله كاني شايف بقرة دحيم ماقدامي الا نتم ولا كان ماناظرت وجهيهكن

[Яởở7 ღ]

من زينك انت واختك يالمصطوله كاني شايف بقره دحيم
ماقدامي الا نتم ولا كان ماناظرت وجهيهكن


يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ
اجل هذا انت
وش رايك مهب صورتك شي
اعرف ارسم صح
بقره دحيم


انت ناظر نفسك بالمرايه وتشوف بقره دحيم
( فيس يكركر ومطلع لسانوووه )

شاكره لك مرورك

[zienab]

شنوهاي القصة والله دخت مشكورة مسطولة سطلتينة وياج

[Яởở7 ღ]

دختي
كولي حبتين بندول ^_*
ههههههههههههههههههههههههههههههههههههه

حياتس ياوخيتي

[يآجروحي ـأعذريني]

؟.؟.؟

مآ‘إعليش على صرآ‘إحتي بس بسأل سؤآ‘إل غبي نوعآ‘إ مآ‘إ

ـألحين ـأنتي تتكلمي بآ‘إإي لغـ؟ـه

لأني صرآ‘إحتآ‘إ مآ‘إفهم ولآ‘إشي من كلآ‘إمك:h(31):
ولو ـأن ـالصرآ‘إحة مؤلمه بس ـأعذريني يآ‘إئمر

ـأعذريني خيـً‘ـتو يحلي ـايآ‘إمك يآ‘إرب

<< وحآ‘إولت وحآ‘إوت مرآ‘إرآ‘إ وتكرآ‘إرآ‘إ ولكن دون جدوى وبآ‘إلأخير خطرت
ليآ‘إ فكره جهنميه نومعآ‘إ مآ‘
< جآ‘إب مترجم فلبيني ونيجيري علشآ‘إن يترجمو ـالكلآ‘إم وـأفهم

<< ههه يمزح (:

يحلي ـايآ‘مك يآ‘إرب

[Яởở7 ღ]

<< ميته ضحك
هههههههههههههههههههههههههههههههههههههههههههههههههه ههههه

طيب انت باااي خط تكتب حاولت اعرف ماقدرت وجبت كل الكتب الي تتكلم عن الخطوط نيجيريه وفلبينيه وصينيه بس ولا شي يشابه لخطك
ههههههههههههههههههههههههههههههههههههههه

طيب جيب مترجم القصمان وتعرف لكلامي
ههههههههههههههههههههههههههههههه

على كل حال حتى لو مافهمت
شاكره لك مرورك

[الوطن]

هههههههههههههههههههه

الله يرجك يا مسطولة

من جد راسك فاضي

هههههههههههههههههههه

[Яởở7 ღ]

الله يرجك يا مسطولة

من جد راسك فاضي


لا والله راسي مهب فاضي الا به مخ ومخيخ وشرايين واورده وميموري قصدي ذاكره وافكر افتح فيه فرع للفيصليه
هههههههههههههههههههههههههههههههه
شاكره لك مرورك

[المكي]

من جد مسطولة ما تركتي براسك فضاوة حتى الاوردة والشرايين الظاهر انك قالبتا كيابل خخخخخ


عقبال ما توصلي الواير لس

يسلموووووووووووووووووووووووووووووووووووووووووووووو ووووووووو

[Яởở7 ღ]

انا هالايام افكر بالواير لس تخبر راسي صار كله كيابل واختلطت مع بعض مما ادى الى ظهور احتكاك غير طبيعي صاحبه شرار قوي مما سبب ضمور حاد بالفتحات التنسيميه

مك مك ثآآآآآآآآآآآآآآآآآنكسات على المرور