Яởở7 ღ
09-27-2009, 09:14 PM
مدخل..}
بسم الله ابدي كلام انا
صديق انت رفيق انا
يشوف انت عيون انا
قلب سط سط يحب انا
يشوف انت يطير انا
يشوف عند باب يسيل دمع انا
يشوف عيون يبكي انا
يشوف بابا مال انتي يخاف انا
عند بقاله يفكر انا
سط سط انتي قمر مال انا
انا يوم شفت موضوع محيميد حق الحب المخيس قررت انا الباصمه اعلاه اني اقول لكم قصتي مع كومار ( فيس مدنق من قو الحيا صبخ بالشاشه ) عاد امس كان الاتصال عندي منقطع واخذت وقت مقتطع مع نفسي وجلست افكر وافكر وافكر ( غ4غ4غ4غ4 ) <- اختصار مشفر لحنوون .. تعبت من التفكير ونزلت شربت شاهي ورجعت افكر وافكر وافكر <- هذي اللي بتنشات الحين .. واخر شي قررت اني اقول لكم سالفة حبي لكومار وشلون وكيف ومتى وكان واخواتها وحروف العله وهلما جرا..
السالفه تقول كان يامكان كان بقديم الزمان وسالف العصر والأوان ان بووه بنت بعمر المراهقه اللي هي سط سط ( فيس يتنحنح ) هالبنت ماكانت تعرف من الحب الا كيسة باجه الحجم العائلي وان خربتها دردبت ثلاجة شاهي ببيالة السيف ومره من الأيام ويوم من المرات ارسلتها امها للبقاله اللي جنب جنبهم ( رماني القدر للي جنب جنبنا النصيب مكتوب ) <- الجانب الماصل يتحدث .. قالت لي امي قومي فزي جيبي ليفة مواعين وكيس خبز وجبن بقره من البقاله وانتبهي للشارع لابغيتي تقطعين قلت سمي وابشري كم ام عندي انا ( تسمع بالبر ) مسكت الطريق وانا حلمي بكيس الفشفاش اللي بشتريه وافكر اجيب معه ببسي ولا عصير واجلس افكر باصابعي ( مالكم دخل كلن حر بمخزن تفكيره ) اخر شي قررت اني اشتري حليب ابشوف لاقالوا يقوي ويخلي الجسم حديد هو صدز ولا مجامله ( تسمع بالمجاملات ) ومادريت الا وانا اصقع بباب البقاله اثر التفكير يوجع ويحوس المرير..
مادريت الا وذاك الهندي جاي يركض ماحسيت الا بزيت شعره نقط على خشتي الصراحه انقرفت بس الحين يازين زيته اويلي بس ..الوكاد انه قرب لي الكرسي وجلسني عليه وهو يبربر فوق راسي مدري وش يقول وحط اصابعه قدام عيوني قال هذي كم قلت اصلا امي تقول لاتتكلمين مع اغراب وانا اسمع كلام امي ( قلت لكم تسمع بالبر ) وبعدين انا كل يوم بالمدرسه اوقف بحصة الرياضيات لاني ماحفظت جدول الضرب .. قال انا بس يبغا يتأكد ان مخ مال انتي سليم مافي سوي وشوش قلت هو مخ ولا انتل تلفزيون يامال العنقز المهم عطني اغراض امي واعدها عليه ويجيبها لي قلت كم الفلوس قال لا عيب مابيننا حساب قلت خير خير مابقا الا انت تغازلني ( هذي اللي ماتعرف من المغازل الا اسمه )ومير تجيني ام العبيد واقعد اهايط عليه ( الجانب المظلل يتحدث )
الضعيف شفت دموعه تلمع بعويناته مير الظاهر مهب لمعه طبيعيه اكيد ان زيت شعره ساح عليها .. قلت هات الاغراض وهذي الفلوس وان بقا شي خله لك اشتر شامبو اغسل به ذالقرف اللي براسك واخذ الكيس واطلع وبالطريق تذكرت اني ماجبت الفشفاش ولا الحليب وقعدت اندب حظي التعيس اصبخ علشان الفشفاش واخر شي اطلع فاش ( كلمه يونانيه تعني من المولد بلا حمص ) ..
وصلت البيت ورحت احط الاغراض بالمطبخ ومير القا ورقه بالكيس لونها اصفر منكب عليها زيت واقراها اثاري مكتوب ( انا لما شوف خشة انتي هزا قلب مال انا يرافس يرافس مافي معلوم ايس سالفه مال هوا بس انا في معلوم شي نفر ( شي واحد بس بالهندي ) ان انا في هب انتي من اول صقعه ) <- لبى الكلمه من خشته .. وموقع اخر شي كومار هبيب مال انتي .. انا جلست اقلب الورقه وافكر لو قلبتها هي بتنزل زيت ولا سمن وانا افكر دخلت امي وقطعت شبك افكاري قالت جبتي الاغراض قلت هاه قالت جبتي الاغراض قلت لا اتوقع تنزل زيت اومير امي تعقد حواجبه وتناظرني ذيك النظره قالت وش تقولين انتي قلت لا اقصد اللبن هو كامل الدسم ولا قليل مدري شوفي الخط وشلونه قالت فسفوري ( الجانب الماصل بأمي يتحدث ) واضرب امي من كتفها واقول حلوه بس لاتعيدينها ( تسمع بالميانه بين الام وبنتها )
واتركها وادخل غرفتي الملكيه الكيوت اللي ياي بقوه اللي مش زي زي ولا اد اد اي غرفه ( حنون وش حسيتي فيه غ2) <- بعد اختصار مشفر .. وانبطح على سريري المصنوع من ريش الغنم وفرو الدجاج وابدا اقلب بالورقه ومرت الساعات والدقايق واخواتها وانا اقلب بالورقه اخر شي حسيت ان ودي اسمع ( عاشقه اسمراني ) وبديت ما اسكر المسجل ماغير على الاف ام ويفز قلبي كل ماجت ذالاغنيه وحسيت ان ودي اشوف كومار وصرت كل يوم الزق بخشة امي اقول ماتبين اغراض من البقاله وهي اللي تقول لي لا وبعدين خلاص مابيتس تطلعين لحالتس قبل امس ام الدحمي تقول لي سالفة ياكافي الشر تقول ان بنت كبرتس انسرقت ولا يدرون وين هي به قلت لا ماعليتس اكيد ان ذيك البنت نحيفه علشان كذا مابغت شي بس انا وش يشيل ال 200 كيلو ماعليتس مثبته بمسامير بالارض مايقدرون المهم ماتبين شي قالت اجل روحي جيبي لنا زبادي وخبز قلت ابشري وورررر ماتشوف الا غباري واركض للبقاله وقلبي يركض قبلي اثاري الزيت عمل عمايله .. واروح ارتز عند الباب ويوم شفته ضربت راسي بالباب علشان اجلس اتمقل بخشته ( احبني وانا ذكيه ) ومير ما اشوف الا ذاك الشايب راعي البقاله جاي يركض وهو اللي يمسك الباب ويسمي عليه ويجلس يهزئني يقول كسرتي بابنا يالدبا وانا اللي اصيح جابها على الجرح ولد اللذينا يوم قال دبا ..
واشوف كومار الضعيف بعيد ولا يقدر يسوي شي وانا ماعاتبته خفت ينقطع رزقه عاد انا ما احب قطع الارزاق .. الوكاد ان الوجع راح يوم شفت خشة كومار واخذ اغراضي واهج من لسان ذالشايب وور على البيت وكالعاده رحت احط الاغراض بالمطبخ والقا ورقه بالكيس واخذها واهج لغرفتي .. فتحت الورقه اثاريه كاتب ( هزا رقم مال انا انتي في يدق رقم مال انا ,, قلب مال انا طع طع ) ( لهجة العيد ) وحاط رقمه بس منب قايله لكم كم الرقم لأني ادري كل المتزوجات بيطلبون الطلاق على امل يشبكون كومار مير هيهات هيهات يصير تسذا ..
جلست اناظر الرقم طول الليل وانا افكر اتصل ولا ما اتصل وابد افكر باصابعي بس هالمره باصابع رجولي خبركم الحب سرا والعلوم اختلفت واخر شي قلت بتصل واللي فيها فيها ومير ابدا ادقدق بالارقام ومع كل دقه تزود نبضات قلبي .. ومادريت الا على اخر رقم وانا اسمع ذاك الصوت نفس الصوت اللي سمعته بالبقاله اجل هو كومار ؟؟ ( مسويه ان الشوق ذابحها ) قلت الو هذي صندقة كومار ( الحب قطع قلوب العذارى حتى المساطيل يلعن جدفها ) قال انا كومار بشحم ولحم مال هوا قلت انا افدا شحمك ولحمك ياشيخ ( بنت اللذينا عرفت درب المغازل ) مادريت الا ويسكت واسمع صوت تقل صوت زيت يغلي قلت وش فيه قال زيت شعري صار يغلي من قو الحيا قلت اخس تعرف تستحي وتصير خدودك حمرا وتسذا حتى انا اعرف استحي ترى موب بس انت ..
راح الليل وحنا نهذر ماخليت شي الا وقلته وهو كب كل عشاه .. راحت الايام وجت ايام وحبي لكومار يزود بس القهر ان امي منعتني من روحة البقاله تقول ان بووه بنت وزنها 300 وممسوكه قلت ينعن اووم شاهي الضحى اللي يخلي ذالحريم يقرقون على راستس .. ومير طقتني الغلقه كم يوم وصرت ما اكل ولا اشرب ولا العب كيرم ولا افلق روس عيال الجيران ونحفت وخربت رشاقتي صار وزني 199 .. وماغير 24 ساعه بغرفتي الملكيه يااشمشم برسايل كومار ولا اكلمه .. اخر شي قلت له امي عيت علي اطلع وشلون بشوفك قال سوف هبيب مال انا حنا لازم سوي هزا زواج قلت طيب تعال اخطبني قال لا ماما وبابا مايمشي هزا كلام عندهم لازم انتي يجي الهند ويخطب انا قلت طيب انا ودي اجي اخطبك بس محتاره مدري اجي بطياره ولا باخره ؟؟ قال لا طياره اهسن قلت اقول ابو الشباب انت بعقلك تبين اجي الهند اخطبك وراه فوضى الدنيا ( ام العبيد وراي وراي حتى وانا احب ) قال طيب سوف انا لازم سوي سفر امريكا عسان اخذ جنسيه امريكيه بعدين انا مايصير ولد هق ماما وبابا ( فديت التضحيه انا ) والله وماكذب خبر سافر على طول وقالوا تاخذ الجنسيه ب 10 سنوات وهالحين راح 7 سنوات وباقي 3 وياخذها ويجي كومار الامريكي يخطبني ( فيس يعض اصبعه من الحيا ) وتوتا توتا خلصت الحتوته .. والحين كل واحد يرقا السطح ويفرش فراشه ويتغطا بالشرشف المخطط ويشغل الاف ام ويحلم بحب مثل حبي مع اني ادري ان محدن بيحصله ولا ربع خشة كومار مير لاتيأسون ( احبني وانا اجبر الخواطر )
مخرج..}
يشوف انت يخطب انا
مافي سط سط مافي حياة انا
سط سط عيون ماما انا
صلاة كثير يدعو انا
يجي سط سط لبيت انا
مافي زواج يموت انا
اعيش في هند انت انا
صلاة ربي احب انا
على رسول حبيب انا
وفي ختام مسك مال كلام انا
بسم الله ابدي كلام انا
صديق انت رفيق انا
يشوف انت عيون انا
قلب سط سط يحب انا
يشوف انت يطير انا
يشوف عند باب يسيل دمع انا
يشوف عيون يبكي انا
يشوف بابا مال انتي يخاف انا
عند بقاله يفكر انا
سط سط انتي قمر مال انا
انا يوم شفت موضوع محيميد حق الحب المخيس قررت انا الباصمه اعلاه اني اقول لكم قصتي مع كومار ( فيس مدنق من قو الحيا صبخ بالشاشه ) عاد امس كان الاتصال عندي منقطع واخذت وقت مقتطع مع نفسي وجلست افكر وافكر وافكر ( غ4غ4غ4غ4 ) <- اختصار مشفر لحنوون .. تعبت من التفكير ونزلت شربت شاهي ورجعت افكر وافكر وافكر <- هذي اللي بتنشات الحين .. واخر شي قررت اني اقول لكم سالفة حبي لكومار وشلون وكيف ومتى وكان واخواتها وحروف العله وهلما جرا..
السالفه تقول كان يامكان كان بقديم الزمان وسالف العصر والأوان ان بووه بنت بعمر المراهقه اللي هي سط سط ( فيس يتنحنح ) هالبنت ماكانت تعرف من الحب الا كيسة باجه الحجم العائلي وان خربتها دردبت ثلاجة شاهي ببيالة السيف ومره من الأيام ويوم من المرات ارسلتها امها للبقاله اللي جنب جنبهم ( رماني القدر للي جنب جنبنا النصيب مكتوب ) <- الجانب الماصل يتحدث .. قالت لي امي قومي فزي جيبي ليفة مواعين وكيس خبز وجبن بقره من البقاله وانتبهي للشارع لابغيتي تقطعين قلت سمي وابشري كم ام عندي انا ( تسمع بالبر ) مسكت الطريق وانا حلمي بكيس الفشفاش اللي بشتريه وافكر اجيب معه ببسي ولا عصير واجلس افكر باصابعي ( مالكم دخل كلن حر بمخزن تفكيره ) اخر شي قررت اني اشتري حليب ابشوف لاقالوا يقوي ويخلي الجسم حديد هو صدز ولا مجامله ( تسمع بالمجاملات ) ومادريت الا وانا اصقع بباب البقاله اثر التفكير يوجع ويحوس المرير..
مادريت الا وذاك الهندي جاي يركض ماحسيت الا بزيت شعره نقط على خشتي الصراحه انقرفت بس الحين يازين زيته اويلي بس ..الوكاد انه قرب لي الكرسي وجلسني عليه وهو يبربر فوق راسي مدري وش يقول وحط اصابعه قدام عيوني قال هذي كم قلت اصلا امي تقول لاتتكلمين مع اغراب وانا اسمع كلام امي ( قلت لكم تسمع بالبر ) وبعدين انا كل يوم بالمدرسه اوقف بحصة الرياضيات لاني ماحفظت جدول الضرب .. قال انا بس يبغا يتأكد ان مخ مال انتي سليم مافي سوي وشوش قلت هو مخ ولا انتل تلفزيون يامال العنقز المهم عطني اغراض امي واعدها عليه ويجيبها لي قلت كم الفلوس قال لا عيب مابيننا حساب قلت خير خير مابقا الا انت تغازلني ( هذي اللي ماتعرف من المغازل الا اسمه )ومير تجيني ام العبيد واقعد اهايط عليه ( الجانب المظلل يتحدث )
الضعيف شفت دموعه تلمع بعويناته مير الظاهر مهب لمعه طبيعيه اكيد ان زيت شعره ساح عليها .. قلت هات الاغراض وهذي الفلوس وان بقا شي خله لك اشتر شامبو اغسل به ذالقرف اللي براسك واخذ الكيس واطلع وبالطريق تذكرت اني ماجبت الفشفاش ولا الحليب وقعدت اندب حظي التعيس اصبخ علشان الفشفاش واخر شي اطلع فاش ( كلمه يونانيه تعني من المولد بلا حمص ) ..
وصلت البيت ورحت احط الاغراض بالمطبخ ومير القا ورقه بالكيس لونها اصفر منكب عليها زيت واقراها اثاري مكتوب ( انا لما شوف خشة انتي هزا قلب مال انا يرافس يرافس مافي معلوم ايس سالفه مال هوا بس انا في معلوم شي نفر ( شي واحد بس بالهندي ) ان انا في هب انتي من اول صقعه ) <- لبى الكلمه من خشته .. وموقع اخر شي كومار هبيب مال انتي .. انا جلست اقلب الورقه وافكر لو قلبتها هي بتنزل زيت ولا سمن وانا افكر دخلت امي وقطعت شبك افكاري قالت جبتي الاغراض قلت هاه قالت جبتي الاغراض قلت لا اتوقع تنزل زيت اومير امي تعقد حواجبه وتناظرني ذيك النظره قالت وش تقولين انتي قلت لا اقصد اللبن هو كامل الدسم ولا قليل مدري شوفي الخط وشلونه قالت فسفوري ( الجانب الماصل بأمي يتحدث ) واضرب امي من كتفها واقول حلوه بس لاتعيدينها ( تسمع بالميانه بين الام وبنتها )
واتركها وادخل غرفتي الملكيه الكيوت اللي ياي بقوه اللي مش زي زي ولا اد اد اي غرفه ( حنون وش حسيتي فيه غ2) <- بعد اختصار مشفر .. وانبطح على سريري المصنوع من ريش الغنم وفرو الدجاج وابدا اقلب بالورقه ومرت الساعات والدقايق واخواتها وانا اقلب بالورقه اخر شي حسيت ان ودي اسمع ( عاشقه اسمراني ) وبديت ما اسكر المسجل ماغير على الاف ام ويفز قلبي كل ماجت ذالاغنيه وحسيت ان ودي اشوف كومار وصرت كل يوم الزق بخشة امي اقول ماتبين اغراض من البقاله وهي اللي تقول لي لا وبعدين خلاص مابيتس تطلعين لحالتس قبل امس ام الدحمي تقول لي سالفة ياكافي الشر تقول ان بنت كبرتس انسرقت ولا يدرون وين هي به قلت لا ماعليتس اكيد ان ذيك البنت نحيفه علشان كذا مابغت شي بس انا وش يشيل ال 200 كيلو ماعليتس مثبته بمسامير بالارض مايقدرون المهم ماتبين شي قالت اجل روحي جيبي لنا زبادي وخبز قلت ابشري وورررر ماتشوف الا غباري واركض للبقاله وقلبي يركض قبلي اثاري الزيت عمل عمايله .. واروح ارتز عند الباب ويوم شفته ضربت راسي بالباب علشان اجلس اتمقل بخشته ( احبني وانا ذكيه ) ومير ما اشوف الا ذاك الشايب راعي البقاله جاي يركض وهو اللي يمسك الباب ويسمي عليه ويجلس يهزئني يقول كسرتي بابنا يالدبا وانا اللي اصيح جابها على الجرح ولد اللذينا يوم قال دبا ..
واشوف كومار الضعيف بعيد ولا يقدر يسوي شي وانا ماعاتبته خفت ينقطع رزقه عاد انا ما احب قطع الارزاق .. الوكاد ان الوجع راح يوم شفت خشة كومار واخذ اغراضي واهج من لسان ذالشايب وور على البيت وكالعاده رحت احط الاغراض بالمطبخ والقا ورقه بالكيس واخذها واهج لغرفتي .. فتحت الورقه اثاريه كاتب ( هزا رقم مال انا انتي في يدق رقم مال انا ,, قلب مال انا طع طع ) ( لهجة العيد ) وحاط رقمه بس منب قايله لكم كم الرقم لأني ادري كل المتزوجات بيطلبون الطلاق على امل يشبكون كومار مير هيهات هيهات يصير تسذا ..
جلست اناظر الرقم طول الليل وانا افكر اتصل ولا ما اتصل وابد افكر باصابعي بس هالمره باصابع رجولي خبركم الحب سرا والعلوم اختلفت واخر شي قلت بتصل واللي فيها فيها ومير ابدا ادقدق بالارقام ومع كل دقه تزود نبضات قلبي .. ومادريت الا على اخر رقم وانا اسمع ذاك الصوت نفس الصوت اللي سمعته بالبقاله اجل هو كومار ؟؟ ( مسويه ان الشوق ذابحها ) قلت الو هذي صندقة كومار ( الحب قطع قلوب العذارى حتى المساطيل يلعن جدفها ) قال انا كومار بشحم ولحم مال هوا قلت انا افدا شحمك ولحمك ياشيخ ( بنت اللذينا عرفت درب المغازل ) مادريت الا ويسكت واسمع صوت تقل صوت زيت يغلي قلت وش فيه قال زيت شعري صار يغلي من قو الحيا قلت اخس تعرف تستحي وتصير خدودك حمرا وتسذا حتى انا اعرف استحي ترى موب بس انت ..
راح الليل وحنا نهذر ماخليت شي الا وقلته وهو كب كل عشاه .. راحت الايام وجت ايام وحبي لكومار يزود بس القهر ان امي منعتني من روحة البقاله تقول ان بووه بنت وزنها 300 وممسوكه قلت ينعن اووم شاهي الضحى اللي يخلي ذالحريم يقرقون على راستس .. ومير طقتني الغلقه كم يوم وصرت ما اكل ولا اشرب ولا العب كيرم ولا افلق روس عيال الجيران ونحفت وخربت رشاقتي صار وزني 199 .. وماغير 24 ساعه بغرفتي الملكيه يااشمشم برسايل كومار ولا اكلمه .. اخر شي قلت له امي عيت علي اطلع وشلون بشوفك قال سوف هبيب مال انا حنا لازم سوي هزا زواج قلت طيب تعال اخطبني قال لا ماما وبابا مايمشي هزا كلام عندهم لازم انتي يجي الهند ويخطب انا قلت طيب انا ودي اجي اخطبك بس محتاره مدري اجي بطياره ولا باخره ؟؟ قال لا طياره اهسن قلت اقول ابو الشباب انت بعقلك تبين اجي الهند اخطبك وراه فوضى الدنيا ( ام العبيد وراي وراي حتى وانا احب ) قال طيب سوف انا لازم سوي سفر امريكا عسان اخذ جنسيه امريكيه بعدين انا مايصير ولد هق ماما وبابا ( فديت التضحيه انا ) والله وماكذب خبر سافر على طول وقالوا تاخذ الجنسيه ب 10 سنوات وهالحين راح 7 سنوات وباقي 3 وياخذها ويجي كومار الامريكي يخطبني ( فيس يعض اصبعه من الحيا ) وتوتا توتا خلصت الحتوته .. والحين كل واحد يرقا السطح ويفرش فراشه ويتغطا بالشرشف المخطط ويشغل الاف ام ويحلم بحب مثل حبي مع اني ادري ان محدن بيحصله ولا ربع خشة كومار مير لاتيأسون ( احبني وانا اجبر الخواطر )
مخرج..}
يشوف انت يخطب انا
مافي سط سط مافي حياة انا
سط سط عيون ماما انا
صلاة كثير يدعو انا
يجي سط سط لبيت انا
مافي زواج يموت انا
اعيش في هند انت انا
صلاة ربي احب انا
على رسول حبيب انا
وفي ختام مسك مال كلام انا